مع قرب الانتخابات الرئاسية 2018 في ناس بتنادي بمقاطعة الانتخابات كحل لفضح نظام السيسي بغض النظر عن انه نظام مفضوح اساساً. من اول اللجان الخالية في انتخابات 2014 والإعلام الذي كان يناشد المواطنين عبر القنوات للنزول لانتخاب السيسي وبعدها اللجان الالكترونية التي طلقها النظام ع النشطاء في مواقع التواصل الاجتماعي لتشويه صورتهم وتشويه ثورة يناير المجيدة وتمجيد في السيسي إلى اعتقالات النشطاء إلى التنازل عن جزيرتي تيران وصنافير المصريتين وإعتقال أي مواطن يقول تيران وصنافير مصرية إلى التفريط في حق مصر في نهر النيل .... الخ.
إذاً السيسي مفضوح من الأساس ومش المقاطعة هى الي هتفضحه السيسي كانت فضيحته في انتخابات 2014 لما نجح بنسبة %97 وطلع لسانه لــ100 مليون مصري.
رأي الذي قد لا يساوي شيئاً ان المقاطعة هي طوق نجاة للسيسي علشان يكمل تاني ويدوس على الشعب اكتررر ، و الحل هو اننا ندعم أي مرشح مدني حتى لو نسبة نجاحه لا تتخطى الــ10% هتقولي طب ما هي هي السيسي هينجح هقولك ممكن وممكن لأ.
لو اتفقنا على مرشح مدني وقدمناه ووقفنا في ضهره احتمال ينجح و لو السيسي نجح تبقى بالتزوير والشعب ساعتها مش هيسكت وهتلاقي طوفان في شوارع المحروسة وخليك دايماً متذكر ان اي حدث عظيم يحدث كان من الأساس عبارة عن تفاصيل صغيرة. وممكن تكون بالنسبة لك ملهاش اهمية بس هي في الأساس ركيزه مهمة في اي حدث عظيم مثلاً زي ثورة يناير المجيدة فى الأساس كانت تفاصيل صغيرة وكانت الناس تبص عليها بهيافة زي رسايل على الموبايل ، ورق يتوزع في الشوارع حد يصدق أن رسايل على الموبيل أو ورق يتوزع في شوارع وحواري تعمل ثورة اكيد ماكانش حد متوقع بس عملت ثورة مجيدة وكلنا فخورين بيها .
إهتم بالتفاصيل الصغيرة ولا تهملها التفاصيل الصغيرة قد تكون اساساً لحدث عظيم.
ملحوظه....
أي حد يقدر يساعد المرضى بالادويه يتواصل على تويتر معا صيدلية تويتر أو على الفيسبوك معا صيدلية فيسبوك
ليست هناك تعليقات:
إرسال تعليق